St. Corentin (Cury)

D’ Kìrich St. Corentin (englisch St Corentine’s Church odd’r St Corantyn) ìsch a anglikànischa Pfàrrkìrich vu dr Kìrich vun Anglànd z’ Cury, ìm anglischa Gràfschàft Kornwàll. Sa schtàmmt üs dr normanischa Zitt un ìsch ìm 19. Johrhundert räschtoriart worra. Hìttz’tàgs ìsch sa a gschìtzt Dankmol vum Gràd I.

D’ Kìrich mìt ìhrem Glockaturm.
Dialäkt: Mìlhüüserdiitsch

d’ Gschìcht

Ànna 1248 hàt ma d’ Kìrich vu Cury ärwähnt, wo schon ìm heiliga Corentin gwìdmet gsìì ìsch. Dr Corentin ìsch a bretonischer Hailig’r gsìì vum 5. odd’r vum 6. Johrhundert.[1][2]

Dia Kìrich ìsch z’äärscht a Föidàlkìrch vum Winnianton gsìì. Ìm 13. Johrhundert ìsch sa a Kàpall worra vu dr Pfàrrai vu Breadge.[3][4] Ìm 15. Johrhundert hàt ma àm Gebäi s’ nordliga Sittaschìff züagfiagt.

Ànna 1874 han lokàla Àrwaiter d’ Kìrich räschtoriart, ohna d’ Hìlf vu’ma Bàuiplànzaichner: ma hàt Nordfàssàda zerschteert un wìderuffbàuia, un s’ Dàch vum nordliga Sittaschìff wìder güat gmàcht un mìt Verbihlung verziart. D’ Dacher vum Schìff, vum Kohr un vum „Bochym-Sittaschìff“ hàt ma àui umbàuija. Dr’züa hàt ma d’ Kìrich üssschtàfiart mìt näija holzerna Bank un näija Fanschter üs „Kathedràlglàs“. Ìm Gsàmta han dia Àrweta äbb 900 £ koschta. Fìr d’ Àrweta ìm „Bochym-Sittaschìff“ han dr Richard un dr Sydney Davey vu Bochym zàhlt. D’ Kìrich hàt ma àm 23. Juli 1874 wìdder uffgmàcht.[5].

Zitter em 10. Juli 1957 ìsch d’ Kìrch St. Corentin àls Dankmol vum Gràd I gschìtzt.[6]

Ànna 2001 hàt ma s’ Dàch vu dr Kìrich repàriart.[1]

dr Pfàrrer Sandys Wason

Vu 1905 bis 1920 ìsch dr Sandys Wason[N 1] dr Pfàrrer gsìì vu Cury un Gunwalloe. Ar ìsch anglokàtholischer gsìì, so zu sàga, ar hàt d’ Litürgi un àndra Àschpakta vu dr reemisch-kàtholisch Kìrch unterschtìtzt;[7] ar hàt Gdìchter gschrìewa, fìr d’ Kàtholigkait z’ loowa.[N 2] Domìt sìn vìel Gmaindamìtglìeder nìt z’frìeda gsìì. Sa han ìm Bischof vu Truro gschrìewa, fìr d’ Litürgi vum Büach vum gemainsàma Gebat nochamol ìn d’ Pfàrrai iz’fiahra.[8] Dr Wason ìsch dräimol ärmàhnt worra vu da uffànanderfolgenda Bischäf (dr Charles Stubbs un dr Winfried Burrows), un ìsch dernoh offiziell üs dr Kìrich vu Cury üsgschlossa worra. Ar ìsch àwer doo gblìewa.[9] Nochhar hàt dr Bischof ìhm d’ kìrichliga Färderunga un sina Gald beràuibt. Àls Gegalaischtung hàt dr Wason ìm Bischof verbotta, s’ Àmt ìn dr Kìrch vu Cury àbz’hàlta.[10] Dr Wason ìsch schliasslig vun’ra Gruppa vu Gemaindamìtglìeder üs dr Kìrch üsgschlossa worra, un hàt sich bim Bernard Walke z’ St Hilary verschtäckelt.[11] Ar hàt schpeeter s’ Verlàgshüss Cope and Fenwick glaita z’ London.[12]

d’ Beschriiwung vum Gebäi

dr Bàuiplàn

Ìm 12. Johrhundert hàt d’ Kìrich vu Cury schon a kritzformiga Bàuiplàn ghàà. Jetz hàt sa a Schìff, a Kohr, a nordliga Sittaschìff mìt’ra Nordkàpall, un a südliga Kwerschìff mìt’ma Toor. Dr Glockaturm schteht àm Wäschta vum Hàuiptgebäi. Àm Wìnkel vum Kohr un vum Kwerschìff ìsch a Schtaagahüss, wo hinter’ma Hàgioskop schteht. A ànder rachtäckig Schtaagahüss kààt ma fìnda ìn dr Fàssàda vum nordliga Sittaschìff.[6]

D’ Kìrich hàt a Gsàmtflächa vu 258 m².[13]

s’ Üssera

D’ Fàssàda vu dr Kìrich sìn hàuiptsachlig üs Àbbruch gmàcht, wahrend d’ Dììra un d’ Fanschterumfàssunga üs Grànit sìn. D’ Sàtteldàcher sìn mìt Schìefer vu Delabole gmàcht.

Dr verschtärkta Glockaturm ìsch üs Grànit gmàcht. S’ hàt zwai Stocka. Àm Ìweraschtok sìn zwai Doppelfanschter vum 15. Johrhundert. Dia Fanschter sìn d’ Gliicha: d’ untera Äffnunga sìn dräilàppig, d’ ìwera sìn viarlàppig. D’ Fanschter han Glockaschàbratta. S’ Gsìms hàt a Brìschtung mìt kleina Zenna ìn da Wìnkel. Ìwer d’ Üssgàng vum Schtaagahüss, ìm nordwäschtlicha Wìnkel, ìsch àwer a greesser Zenna. Àn dr wäschtlicha Sitta vum Turm ìsch a Iigàngsdììr mìt’ma Tudor-Boga. Do drìwer ìsch a dräifàcha Fanschter ìm „Sankrachter Schtil“.

Àn dr Oschtfàssàda ìsch s’ Gawel vum Kohr vorschprìgend. ’S ìsch ìm 15. Johrhundert ärrìchta worra; ìm 19. Johrhundert hàt ma ìm Gawel a Fanschter üs Grànit vum „Sankrachter-Schtil“ züagfiagt. D’ Vordacher vu da Nord- un Südfàssàda hàt ma ìm 19. Johrhundert hecher gmàcht, àlso ìsch jetz dr Àbhàng vum Dàch grìnger. Àn dr Oschtfàssàda, nawa-n-em Wìnkel mìt dr Südfàssàda, ìsch a dräilàppig Fanschter vum 19. Johrhundert. Ìm Wìnkel vum südliga Kwerschiff ìsch a Tìrmla mìt’ma Schtaagahüss. D’ Müüra vum Kwerschìff hàt a viarlàppig Doppelfanschter vum 19. Johrhundert.

A àndra Tìrmla mìt’ma Schtaagahüss befìndet sìch uff dr àndra Sitta vum Chor, bi-n-em nordliga Sittaschìff.

Ìm Süda hàt s’ verschtärkt Toor a schpìtzboogiga Ìnnerràhma vu dr 19. Johrhundert. D’ Ìnnerrahma vu dr ìnnera Dììra ìsch ìn’ma richlig verziarta normanischa Schtil gmàcht. D’ Pfoschta sìn mìt Pfihler verschtärkt. Ìhra Tympànon ìsch verziart mìt abrunda Forma, Zickzackmuschtera un ändloosa Rìngkätta, wo s’ ewiga Lawa versìnnbìldliga.

s’ Ìnnera

Ìm Ìnnera ìsch dr Schìff trännt vum Sittaschìff dur säcks Tudor-Boga, wo ghàijta Kàpitel han. Ìm nordliga Sittaschìff hàt s’ Gwälb noch Bschtàndtaila vum 15. Johrhundert. Dr Raschta vu dr Kìrch ìsch gedäckt mìt Hàmmerbàlkagwälwer vum 19. Johrhundert. Uff da zwai Sitta gìtt’s Treppa rund um Pfihler, wo ìwer s’ ehamààliga Kohrschrànk fiahra. D’ Trepp vum Süda schteht hìnter’ma Hagioskop vum 15. Johhundert. Dr Üsschtoos vu dr Teeraschwälla àm Ìwerstock bìldet d’ grennta Kàpitel vum Pfihler vum Schtaagahüss. Da Pfihler schteht uf’ma gziarta Basis. D’ Teeraschwälla bìldet àui d’ Kàpitel vu da Hàlbpfihler, wo s’ Hàgioskop iiràhma.

Ìm nordliga Sittaschìff ìsch a Fanschter ma Viarpàss, wo-n-a Tudor-Rosa ifàsst. Züadam ìsch a Lawesbàuim uf dr lätschta Boga ghàijt. Àm wäschtlicha Müüra vum Sittaschìff ìsch a Fanschter vum Johr 1924, wo d’ Àbatung vu da Keniga un d’ Àbatung vu da Hìrta zaigt, mìt’ma Schtarn àls Schtaigschtäll.[14]

Dr Nordkàpell hàt zwai dekoràtiva Fanschter. Àn dr Nordmüüra ìsch a Fanschter vum Johr 1924, wo dr Arzangel Michael zaigt, wia àui d’ Härrligkait vum Härr, dr Angel Gabriel, un d’ Wàppa vum Bìschtumm Truro[15]. Àn dr Oschtmüüra, ìsch a Fanschter vum gliicha Johr, wo dr Jesüs zaigt mìt em Kleopas un dr àndra Jìnger, wo düen uf Emmaüs làuifa. Ìm Schtaigeschtäll sìn Wàppa z’ sah[16]

Ìm südlicha Kwerschìff gìtt’s àui zwai dekoràtiva Fanschter. S’ Aina àn dr Oschtmüüra, vum Johr 1861, hàt a Frìedenstüwa ìm Schtaifanschtergschtäll[17]. S’ Aina àn dr Südmüüra hàt Wàppa mìt’ma làtiinischa Schpruch[18]

Àn dr Oschtmüüra vum Kohr gìtt’s zwai dräifàcha dekoràtiva Fanschter. S’ Aina han ànna 1874 d’ Clayton un Bell härgschtällt.[19] S’ Àndra hàt dr Selwyn Image ànna 1904 gmàcht; as zaigt d’ Jungfràui Maria, dr Jesüs Krìschtüs un dr Àposchtel Hàns mìt Raawa ìm Hìntergrund.[20]

Dr’züa hàt d’ Kìrich zwai Piscina: d’ Aina ìsch ìm Südmüüra vum Kohr iibàuia, d’ Àndra ìm Oschtmüüra vum Toor àn dr Südsitta vum Gebäi. Dr Taifbäcka vum 12. Johrhundert hàt a kraisformiga Wàsserbäcka, wo verziart ìsch. D’ Bànka üs Kiafferholz vum 19. Johrhundert han ghàijta Rander. D’ àchtäckiga Kànzla ìsch àui vum 19. Johrhundert.

S’ ìnnera Booga vum Turm ìsch vu Hàlbpfihler unterschtìtzt.

S’ Greeschtatail vu da Kìrchafanschter vun St. Corentin schtàmma üs em And vum 19. Johrhundert odd’r vum Ààfang vum 20. Johrhundert.[21]

Ìwer d’ Dììr vu dr Kìrich St. Corentin ìsch a War Memorial[22]

d’ Glocka

D’ Kìrich St. Corentine hàt säcks Glocka. Àlla sìn ànna 1925 vu dr Giassaräi Gillett & Johnston härgschtällt worra.[23] Ànna 2008 hàt ma d’ Glocka räschtoriart; dàs hàt 45 000 £ koschta.[1]

ìm Kìrchhof

Ìm Kìrchhof vu Cury sìn mehrera Objakta, wo ewafàlls gschìtzt sìn.

D’ Müüra vum Kìrichhofwaag, südlich vu dr Kìrich, hàt ma ìm 18. un ìm 19. Johrhundert bàuia. Sa beschtehn üs Àbbrìch àwer han Beschtàndtailia üs Grànit. S’ südliga Toor hàt schpìtziga Ziarschpìtza.[24] A pààr Meeter àm Süda vum südliga Kwerschìff ìsch a Kritz, wo üs em Mìttelàlter schtàmmt. ’S bschteht üs Grànit un hàt a Ìwertail wia-n-a Blüamazìwala. Sa ìsch äbb 2,75 m hoch un ìsch aina vu da greeschta Kritza ìm Kornwàll. Sa ìsch a gschìtzt Dankmol vum Gràd II*.[25]

Ìm àndra Äcka vum Kìrchhof ìsch a Toor üs gschmìedena Iisa mìt sina Pfihler, wo üs em 19. Johrhundert schtàmmt. S’ Toor ìsch mìt Bìschhofshiat verziart. A klaina Trepp üs Grànit lìgt vor em Toor.[26]

Àn dr Nordsitta kààt ma a Grààbschtai üs em Johr 1825 sah,[27] un àui a Grààbschtai vum Johr 1831.[28] Üsserdam sìn àm Norda d’ Gruft vu dr Fàmìlia Grosse[29], wia àui a Gruppa vu säcks Greewer vu dr Fàmìlia Hendy, wo ma zwìscha 1795 un 1868 gedulwa hàt.[30]

Wäschtlich vu dr Kìrch ìsch a Dankmol mìt dräi Grààbschtai vu dr Famìlia Randle. Dia Grààbschtai hàt ma zwìscha 1819 un 1860 gschtällt[31]

d’ Pfàrrgmainda un s’ Gottesdianscht

Ìn dr Kìrich vu Cury wìrd s’ Àmt ìn dr Tràdizion „Hochkìrich“ àbghàlta.[32]

D’ Kìrich vu Cury bìldet a gmainsàma Pfàrrai mìt dr Kìrich St. Winwaloe vu Gunwalloe. D’ Pfàrrai gheert zem Dekànàt vum Kerrier, ìm Bìschtumm Truro vu dr Kìrich vun Anglànd.

Weblinks

  Commons: St. Corentin (Cury) – Sammlig vo Multimediadateie

Ainzelnohwiisa

  1. 1,0 1,1 1,2 St. Corantyn, Cury. Cornwall Historic Churches Trust, abgruefen am 3. September 2020 (änglisch).
  2. Nicholas Orme: Corentin. In: The Saints of Cornwall. Oxford University Press, 2000, ISBN 0-19-154289-X, S. 96 (englisch, 320 S., google.fr)..
  3. Cornish Church Guide. Blackford, Truro 1925, S. 83 (englisch).
  4. Nikolaus Pevsner: Cornwall. 2. Auflage. Penguin Books, 1970, S. 61–62 (englisch).
  5. Restoration of Cury Church. In: Royal Cornwall Gazette. Falmouth 25. Juli 1874 (englisch, britishnewspaperarchive.co.uk [abgerufen am 29. September 2015]).
  6. 6,0 6,1 Church of Saint Corentin (Grade I) [1157903] (englisch) In: National Heritage List for England. Historic England. Abgrüeft am 24. Mai 2021.
  7. J. M. Cohen (Hrsg.): The Penguin Book of Comic and Curious Verse. Penguin, Harmondsworth 1952, S. 199–202 (englisch).
  8. Ritual at Cury. Resolution of protest sent to new Bishop. In: West Briton and Cornwall Advertiser. Falmouth 25. Juli 1912 (englisch, britishnewspaperarchive.co.uk [abgerufen am 29. September 2015])..
  9. The Cury Church Dispute. In: Cornishman. Falmouth 16. Juli 1919 (britishnewspaperarchive.co.uk [abgerufen am 29. Juli 2015]).
  10. Rev Wason defies the Bishop. In: Cornishman. Falmouth 4. Juni 1919 (britishnewspaperarchive.co.uk [abgerufen am 29. September 2015]).
  11. H. M. Brown: A Century for Cornwall. Blackford, Truro 1976, S. 66–67, 79–81 (englisch).
  12. Bernand Walke: Twenty Years at St Hilary. Truran, Mount Hawke 2002, S. 227-29 (englisch).
  13. Cury: St Corontyn — Building. In: Church Heritage Record. Kìrich vun Anglànd, abgruefen am 23. Mai 2021 (änglisch).
  14. Cury, St Corentine (Corantyn) — North aisle west. In: Cornish Stained Glass. Abgruefen am 22. Mai 2021 (änglisch).
  15. Cury, St Corentine (Corantyn) — North Chapel north. In: Cornish Stained Glass. Abgruefen am 22. Mai 2021 (änglisch).
  16. Cury, St Corentine (Corantyn) — North Chapel east. In: Cornish Stained Glass. Abgruefen am 22. Mai 2021 (änglisch).
  17. Cury, St Corentine (Corantyn) — South transept east. In: Cornish Stained Glass. Abgruefen am 22. Mai 2021 (änglisch).
  18. Cury, St Corentine (Corantyn) — South transept south. In: Cornish Stained Glass. Abgruefen am 22. Mai 2021 (änglisch).
  19. Cury, St Corentine (Corantyn) — Chancel east. In: Cornish Stained Glass. Abgruefen am 22. Mai 2021 (änglisch).
  20. Cury, St Corentine (Corantyn) — Chancel east. In: Cornish Stained Glass. Abgruefen am 22. Mai 2021 (änglisch).
  21. Cury, St Corentine (Corantyn). In: Cornish Stained Glass. Abgruefen am 24. Mai 2021 (änglisch).
  22. Cury. In: Cornwall’s War History Remembered. Cornwall Family History Society, abgruefen am 24. Mai 2021 (änglisch).
  23. Cury: St Corontyn (Interior). In: Church Heritage Record. Kìrich vun Anglànd, abgruefen am 23. Mai 2021 (änglisch).
  24. Gate-Piers, Walls Flanking Churchyard Path and Gate at Approx 12m South of Church of Saint Corentin (Grade II) [1328556] (englisch) In: National Heritage List for England. Historic England. Abgrüeft am 24. Mai 2021.
  25. Cross at Approx 12m South of South South Transept of Church of Saint Corentin (Grade II*) [1141758] (englisch) In: National Heritage List for England. Historic England. Abgrüeft am 24. Mai 2021.
  26. Gate-Piers, and Gate at Approx 20m North of West End of Church of Saint Corentin (Grade II) [1157967] (englisch) In: National Heritage List for England. Historic England. Abgrüeft am 24. Mai 2021.
  27. Rowe Headstone at Approx 16m North End of Church of Saint Corentin (Grade II) [1157954] (englisch) In: National Heritage List for England. Historic England. Abgrüeft am 24. Mai 2021.
  28. Head Headstone at Approx 10m North of Church of Saint Corentin (Grade II) [1157922] (englisch) In: National Heritage List for England. Historic England. Abgrüeft am 24. Mai 2021.
  29. Grosse Chest Tomb at Approx 12m North of Church of Saint Corentin (Grade II) [1311738] (englisch) In: National Heritage List for England. Historic England. Abgrüeft am 24. Mai 2021.
  30. Group of 6 Hendy Chest Tombs 12m North of Church of Saint Corentin (Grade II) [1141757] (englisch) In: National Heritage List for England. Historic England. Abgrüeft am 24. Mai 2021.
  31. Randle Monument with 3 Headstones at Approx 1.5m North of West End of Church of Saint Corentin (Grade II) [1328555] (englisch) In: National Heritage List for England. Historic England. Abgrüeft am 24. Mai 2021.
  32. P. E. Blagdon-Gamlen: The Church Travellers Directory. Church Literature Association, London 1973, S. 15 (englisch).

Füassnota

  1. Si Vollnàmma ìsch Leighton Sandys Wason (1867-1950); ànna 1898 àls Priaschter gwäit; ìsch Vikàr gsìì vu Plaistow un Shoreditch z’ London. Ar hàt u. a. s’ Büach The Anathema Alphabet, or, Syllabus of errors condemned by the English bishops since 1840, wo ànna 1919 veräffentligt worra ìsch fìr d’ Briaderschàft vu St. Petrus un Paulus.
  2. Lüag: Roy Tricker: "Mr. Wason, I think": with poems by the Rev. Sandys Wason. Gracewing, Leominster 1994 (englisch).
🔥 Top keywords: