Cortz de Monzón (1510)

Cortz de Monzón
1510
Monzón - Catedral de Santa María del Romeral 07.jpg
Ilesia de Santa María d'o Romeral de Monzón
Información cheneral
PuestoIlesia de Santa María d'o Romeral
CiudatSiñal d'Aragón.svg Monzón
MonarcaFerrando II d'Aragón
Principals temas
- Campanyas en Africa
- Fogache en o reino de Valencia
Cortz Chenerals
AnteriorsPosteriors
Tarazona 1484Monzón 1512-1514
Cortz d'o Reino d'Aragón
AnteriorsPosteriors
Zaragoza 1502-1503Monzón 1512-1514
Cortz Catalanas
AnteriorsPosteriors
Barcelona 1503Monzón 1512-1514
Cortz d'o Reino de Valencia
AnteriorsPosteriors
Tarazona 1484Monzón 1512-1514
Mapa
Spain Aragon location map.svg
City locator 21.svg
Situación en Aragón

As Cortz de Monzón de 1510 estioron unas Cortz Chenerals d'Aragón que fuoron convocadas por Ferrando II d'Aragón con a finalidat de financiar as campanyas africanas y se celebroron entre o 4 de mayo de 1510 y o 2 de setiembre de 1510. Entre 1505 y 1510 en as campanyas africanas d'a corona se i heba conqueriu Mers el-Kébir, Orán, Bochía y Tripoli.

O rei pediba refirme economico pa continar y mantener los territorios conquerius. As cortz le'n concedioron 500.000 libras,[1] d'as que 208.000 fuoron aportadas por os catalans con a contrapartida de tener libre comercio en o norte d'Africa.[1] Os quatre brazos d'o reino d'Aragón alcordoron a entrega de 219.000 libras chaquesas pa la recuperación y conquista de Túniz y atros puestos d'a costa africana y Cherusalem, d'as que s'heban d'entregar 10.000 a la reina:

La cort e quatro bracos de aquella, visto lo proposado por vuestra alteza y la empressa tan sancta de vuestra magestat, en recuperacion y conquista de los reynos de Tunez e Bugia pertenescientes a la comquista e corona de Aragon, e, successivamente, de todas las otras partes, tierras y provincias al dicho reyno y corona spectantes, fasta el reyno y casa sancta de Hierusalem, del qual vuestra alteza tiene el titulo como verdadero y legittimo successor [...] sera ordenado e contenido que en universo el dicho servicio y dono gracioso es suma de dozientas y dizenuebe mil libras jaquessas, del qual servicio e donativo gracioso que fazen a vuestra alteza, supplica la dicha corte e quatro bracos de aquella, mande dar y de vuestra magestat a la serenissima reyna nuestra sennora diez mil libras [...]
Actas d'as Cortz de Monzón de 1510

Atros temas d'importancia politica tractaus estioron:

  • S'encargó un fogache en o reino de Valencia.
  • Ferrando II d'Aragón, lo 31 d'agosto d'o 1510, expidió un privilechio en o que declaraba que, dau que i heba dau dentrada a os melitars en o gubierno d'a ciudat de Barcelona, d'igual forma reconoixeba a los suyos ciudadans honraus os suyos antigos privilechios melitars y heban de fer parti d'as cortz, a on dentraban y votaban por o brazo reyal.
  • Se guarenciaba que os moros valencians no serían «forachitaus» ni obligaus a fer-se cristians, en contra de l'edicto de 1502, que posaba a os moros en a dischuntiva de baptizar-se u d'estar expulsaus. En Aragón, y más que más en o reino de Valencia, a economía agraria descansaba sobre a man d'obra musulmana. A noblesa territorial en quitaba lo millor proveito, ya que la mayoría d'os moros le yeran vasallos.
  • Se concedió a lo Consello de Ciento a facultat de cudiar d'a salut publica en casos d'epidemia dotando a os consellers de poders extraordinarios, mesmo debant d'o virrei, deputaus y atras autoridatz, en istas circumstancias.

Se tractoron tamién temas d'orden interno como os criterios de documentación y archivo, indicando que: "totz os documentos expedius per las Cortz son sellaus y sinyaus por os presidents d'os tres brazos. Os procesos u actas chenerals se guardarán en l'Archivo d'a Corona d'Aragón; os d'o brazo eclesiastico en o arcebispau de Tarragona, os d'o melitar en o d'a Deputación Cheneral de Catalunya, y los d'o popular en o d'o Consello de Ciento de Barcelona". Tamién se determinoron as responsabilidatz d'os funcionarios publicos y aguazils si cometeban abusos de poder, castigando-los con una multa y a inhabilitación d'o cargo.

Referencias

  1. 1,0 1,1 (ca) Història de Catalunya. Ferran Soldevila i Zubiburu, 1963. 2ª edición, p.879

Vinclos externos


Predecesor:
Cortz de Tarazona (1484)
Cortz Chenerals d'Aragón
Cortz de Monzón (1510)
Succesor:
Cortz de Monzón (1512-1514)
Predecesor:
Cortz de Zaragoza (1502-1503)
Cortz d'o Reino d'Aragón
Cortz de Monzón (1510)
Succesor:
Cortz de Monzón (1512-1514)
Predecesor:
Cortz de Barcelona (1503)
Cortz Catalanas
Cortz de Monzón (1510)
Succesor:
Cortz de Monzón (1512-1514)
Predecesor:
Cortz de Tarazona (1484)
Cortz d'o Reino de Valencia
Cortz de Monzón (1510)
Succesor:
Cortz de Monzón (1512-1514)


🔥 Top keywords: