Frankfurt d'o Main

Frankfurt d'o Main (en alemán , en hessián Frangford am Maa) ye a cinquena ciudat en grandaria de Alemanya (dimpués de Berlín, Hamburgo, Múnich y Colonia). Ye situada chunto a lo río Main.

Frankfurt d'o Main
Frankfurt am Main
Ciudat independient d'Alemanya
BanderaEscudo d'armas
Frankfurt d'o Main
Frankfurt d'o Main
País
 • Estau
 • Rechión
 • Districto
Flag of Germany.svg Alemanya
Hesse
Darmstadt
Ciudat independient
Superficie248,31 km²
Población
 • Total
 • Densidat

701000 hab. (2012)
2.824 hab/km²
Altaria
 • Meyana

112 m.
Codigo postal60308–60599, 65929–65936
RíosMain
Coordenadas
Frankfurt d'o Main ubicada en Alemanya
Frankfurt d'o Main
Frankfurt d'o Main
Frankfurt d'o Main en Alemanya
https://www.stadt-frankfurt.de/ Web oficial

Frankfurt estió una ciudat estau, a Ciudat Libre de Frankfurt, mientres quasi cinco sieglos, y estió una d'as ciudatz mas importants d'o Sacro Imperio Román Chermanico, como puesto de coronacions imperials; perdió a suya sobiranía dimpués d'o colapso de l'imperio en 1806, a recuperó en 1815 y dimpués a tornó a perder en 1866, quan estió anexada per o Reino de Prusia. Ha estau parti de l'estau de Hessen dende 1945.

Frankfurt ye cultural, etnica y relichiosament diversa, con a metat d'a suya población y a mayoría d'a suya chovenalla d'orichen immigrant. Una quatrena parti d'a población ye formada per ciudadans foranos.

Frankfurt ye o centro de muitas seus corporativas globals y europeas. Amás, l'aeropuerto de Frankfurt ye lo mas transitau d'Alemanya, un d'os mas transitaus d'Europa y d'o mundo, y lo centro prencipal de Lufthansa, l'aerolinia nacional d'Alemanya.

Frankfurt ye un d'os prencipals centros financiers d'o continent europeu, con a seu d'o Banco Central Europeu, o Deutsche Bundesbank, a Bursa de Valors de Frankfurt, o Deutsche Bank, DZ Bank, KfW y Commerzbank. A Messe Frankfurt ye una d'as ferias comercials mas grans d'o mundo. As prencipals ferias incluyen a Feria d'a Mosica y a Feria d'o Libro de Frankfurt, a feria d'o libro mas gran d'o mundo.

Toponimia

O toponimo fa referencia a los antigos francos. En a "Cronica de los Conquiridors" s'escribe Franchfruc, Franchort u Franchfurc, amaneixendo en o capítol: Como el rey karles fizo celebrar vn concilio en frachfruc contra elifrando et sus (com)panyones:

Como el Rey karles fizo celebrar vn concilio en franchfu(r)c Contra elifando et s(us)companyones. /Ap(re)s delas cosas sobredichas el Rey karles passando por sabaria fue en gallia et alli fizo aplegar grant concilio de vispos en vn lugar qui ha no(m)bre franchfort contra elifando vispo de toledo en espanya et cont(r)a feliz companyon de aq(ue)l vispo argelaru(n) enlos montes p(ir)ineos...

Cheografía

Barrios

 
Barrios de Frankfurt d'o Main

La ciudat ye dividida en 46 barrios (Stadtteile), que a la suya vegada se dividen en 121 districtos (Stadtbezirke) y 448 districtos electorals (Wahlbezirke).

Lo barrio d'a ciudat mas gran per población y aria ye Sachsenhausen, mientres que lo mas chicot ye Altstadt, lo centro historico de Frankfurt.

Clima

Frankfurt tien una temperatura meya anyal ye de 10,6 °C, con temperaturas meyas mensuals que van dende os 1,6 °C en chinero dica os 20,0 °C en chulio (datos entre 1981 y 2010).

A resultas d'a suya ubicación en l'extremo norte d'a val de l'Alto Rin en o sudueste d'Alemanya, Frankfurt ye una d'as ciudatz alemanas mas calidas y ixutas de conchunta con con ciudatz como Darmstadt, Mannheim, Karlsruhe y Friburgo de Bresgobia. Os veranos en Frankfurt pueden estar muit calidos, en comparanza con a resta d'o país. Entre os anyos 1981 y 2010 ha habiu 52 días en Frankfurt con una temperatura maxima superior a 25 °C y 13 días con una maxima superior a 30 °C de meya a l'anyo.

En estar una isla de calor urbana, Frankfurt a vegadas se veye afectada per nueitz tropicals, an a temperatura no baixa d'os 20 °C entre mayo y setiembre. Isto ocurre perque a densidat d'a ciudat fa que ista almacene tot a calor.

A temporada de creiximiento ye mas larga en comparanza con a resta d'Alemanya, lo que resulta en una plegada temprana d'a primavera a la rechión.

Os hibiernos en Frankfurt son per un regular atemperaus con una chicota posibilidat de nieu, especialment en chinero y febrero. Frankfurt ye, en promeyo, cubierta de nieu nomás entre 10 y 20 días per anyo. Beluns días con minimas inferiors a -10 °C pueden ocurrir con mas freqüencia aquí que en as costas d'o norte d'Alemanya, pero no con tanta freqüencia como en Bavera u as partis orientals d'Alemanya.

Alcaldes

Lista d'alcaldes democraticos dende 1945:

LechislaturaNombrePartito politico
2012-huePeter FeldmannSPD

Puestos d'intrés

 
Römer ye a casa d'a ciudat de Frankfurt d'o Main

Presonalidatz naixitas de Frankfurt d'o Main

Esporte

A sección de fútbol d'o club Eintracht Frankfurt chuga en a Bundesliga.

Vinclos externos

🔥 Top keywords: