Feb - Marzo - Abr
1234567
891011121314
15161718192021
22232425262728
293031
Calandario d'escaicimientos

Marzo (en latín Martivs) ye o tercer mes de l'anyo en o calandario gregorián y tien 31 días.

Yera o mes dedicato a Marte en o calandario román y o primer mes de l'anyata, primer mes en o que podeban ninviar tropas a combatir difuera de Roma, feito que cambeó quan con motivo d'as guerras celtibericas ninvioron tropas a Numancia antes fendo encomenzar l'anyo l'1 de chinero.

Les Très Riches Heures du duc de Berry, Marzo

En aragonés fer un orache propio de marzo en atros meses ye "marceyar".

Ditos y Mazadas

  • Marzo marcero, tan pronto sol com’aguacero.
  • Si marzo marzeya, abril acantaleya y mayo tempesteya.
  • Cuando marzo mayea, mayo marcea.[1]
  • Si en marzo ya fa calor, mal anyo pa'o labrador.[2]
  • «pa marzo crespillos y lardo»[3]
  • «si en marzo fas esferras en to' l'anyo habrá caceras»[4]
  • «en marzo no se pixa o ratón en o campo»
  • «o sol de marzo s'apega como o'scarzo»
  • «si truena en marzo, prepara a cuba y o mazo»[5]

Referencias

  1. (es) José Enrique Gargallo Gil:Los refranes meteorológicos en aragonés, en el marco de la paremiología románica, Alazet n°20, 2008, ISSN 0214-7602, p.11-31
  2. (es) ParemioRom (Paremiología romance: refranes meteorológicos y territorio) d'a Universidat de Barcelona
  3. (es) Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.40
  4. (es) Pedro Arnal Cavero: Refranes, Dichos, Mazadas... En El Somontano Y Montaña Oscense, Prames, 2013, ISBN 978-8483213957, p.224
  5. (an) Fernando Sánchez Pitarch, Guillermo Tomás Faci: Replega de tradizión oral agüerana, Luenga & Fablas 10, Consello d'a Fabla Aragonesa, 2006, ISSN 1137-8328, pp. 33-61.