Un mes (d'o latín < MENSIS)[1] ye cada un d'os dotze periodos de tiempo, d'entre 28 y 31 días, en que se divide l'anyo. D'antis más mes yera sinonimo de lunación, que alto u baixo dura 29 días y meyo. En un anyo bi ha 12 lunacions y sobran 10 días. Primero istos días sobrants no yeran de dengún mes, pero con o tiempo s'ha ito repartindo entre os diferents meses, dica plegar ta la situación actual, en que mes y lunación ya no coinciden. A durada d'os meses s'establió de forma aleatoria: por eixemplo, chulio y agosto tienen os dos 31 días porque se consideró que o mes adedicato a César Augusto no heba de tener menos que l'adedicato a Chulio César; y d'atra man febrero, zaguer mes de l'anyo román, se quedó con menos días que a resta.

Cada mes agrupa un minimo de quatre semanas.

Tanto en o calandario gregorián, como en o calandario chulián, l'anyo tien dotze meses. En aragonés, cada un d'istos meses tien un nombre d'orichen latín:

MesNº díasNombre orichinal
Chinero31(XI) Ianaurius (de Chan, dios d'as puertas)
Febrero28 ó 29(XII) Februarius (de Februus, antigo dios etrusco)
Marzo31(I) Mars (de Marte, dios d'a guerra)
Abril30(II) Aprilis (d'Apru, diosa etrusca)
Mayo31(III) Maius (de Maya, diosa floral)
Chunio30(IV) Iunius (de Chuno, diosa d'o matrimonio)
Chulio31(V) Quintilis (cinqueno mes) y Iulius (en honor a Chulio César)
Agosto31(VI) Sextilis (seiseno mes) y Augustus (en honor a César Augusto)
Setiembre30(VII) September (sieteno mes)
Octubre31(VIII) October (ueiteno mes)
Noviembre30(IX) November (nueno mes)
Aviento31(X) Adventum (plegata, arribata)

Referencias

  1. (es) Francho Nagore Laín: Vocabulario de la Crónica de San Juan de la Peña (versión aragonesa, s. XIV), Universidat de Zaragoza, 2021, ISBN 978-84-1340-315-1, p.307