Portada

Artigo destacado

O Suomen Jääkiekkomuseo (en galego Museo finlandés do hóckey sobre xeo) é un museo situado na cidade finlandesa de Tampere adicado á historia do hóckey sobre xeo. O museo abriu as súas portas en 1979 e orixinalmente encontrábase no Tampereen jäähalli (principal pavillón de hóckey sobre xeo da cidade), ata que no ano 2000 se trasladou ao complexo museístico do Museokeskus Vapriikki.

Na exposición, de 440 m², poden verse algúns dos trofeos entregados pola liga profesional masculina e a liiga feminina, así como os títulos mundiais e medallas conquistadas polas seleccións finlandesas feminina, masculina e categorías inferiores. A colección do museo consta de milleiros de fotografías e obxectos, e centos de camisolas. Tamén pode verse o Salón da Fama do Hóckey sobre Xeo finlandés, denominado en finés Suomen Jääkiekkoleijonat (en galego Leóns/leoas do hóckey sobre xeo finlandés).

O museo do hóckey sobre xeo finlandés é considerado o segundo mellor museo de historia do hóckey sobre xeo do mundo por detrás do Hockey Hall of Fame de Toronto. O espazo conta tamén con seccións interactivas nas que as persoas que o visitan poden, por exemplo, tirar á portería ou encarnar a un porteiro ou porteira nos simuladores cos que conta.

Sobre Galicia

Benito Vicetto Pérez nado en Ferrol o 21 de maio de 1824 e finado na mesma cidade o 28 de maio de 1878, foi un escritor, xornalista e historiador galego. Prolífero autor literario en lingua castelá, na que cultivou a poesía, a novela, o teatro e o ensaio, escribiu tamén algúns poemas en lingua galega. Destacou como editor e colaborador de xornais de tendencia progresista, desde os que impulsou as ideas rexionalistas. Como historiador publicou unha exitosa Historia de Galicia en sete volumes que, malia a súa discutida fiabilidade histórica, avivou o interese polas propias raiceiras e a conciencia diferencial da sociedade galega do seu tempo.

Tal día coma hoxe no ano...

• 1519, Fernão de Magalhães (na imaxe) parte de Sevilla para a súa viaxe de circunnavegación.
• 1846, Elias Howe, patenta a máquina de coser.
• 1912, nace Jorge Amado, escritor brasileiro (m. 2001).
• 1920, o Imperio Otomán é dividido entre os aliados polo Tratado de Sèvres.
• 1960, nace Antonio Banderas, actor e produtor de cinema español.
• 2001, a nixeriana Amina Abdullahi é condenada, segundo as regras da xaria, a recibir 100 golpes por relacións extra-mariatais.

Imaxe do día

Presentación

Participación

Comunidade